Nigeriyada yanacaqdaşıyan maşın partladı: 147 ölü, 140 yaralı

Bakupost.az xəbər verir ki, bu barədə AFP yerli hakimiyyət orqanlarına istinadən bildirib.

Polisdən bildiriblər ki, yanacaqdaşıyan maşın çərşənbə axşamı axşam saatlarında Jiqava əyalətinin Majiya şəhərində başqa bir avtomobildən yayınmaq üçün yoldan çıxaraq qəzaya uğrayıb. Qəzadan sonra sakinlər sızan yanacağı toplamaq üçün aşmış maşının ətrafına toplaşıb.

Partlayış nəticəsində 147 nəfər həlak olub.

Yerli administrasiyanın sədri Hambali Zarqa ölənlərin sayının arta biləcəyi barədə xəbərdarlıq edib.

O, AFP-ə bildirib ki, onlarla insan "tanınmayacaq dərəcədə yanıb". Onun sözlərinə görə, daha 140 yaralı sakin yaxınlıqdakı xəstəxanalarda müalicə olunur.

Zaur, BakuPost