Novosibirsk meriyası: Stalinin abidəsi mədəni irsi korlayır

Bakupost.az xəbər verir ki, bu barədə "Podyem" nəşri məlumat verib.

"Şöhrət abidəsi ərazisində yeni obyektlərin yerləşdirilməsi mədəni irsin mühafizəsi sahəsində mövcud qanunvericiliyin tələblərini pozur", - deyə şəhər icra hakimiyyətinin mədəniyyət, idman və gənclər siyasəti departamentindən bildirilib.

Həmçinin, departamentdə xatırladıblar ki, Stalinin abidəsi artıq Bolşevik küçəsində yerləşən keçmiş Novosibirsk Vilayət Kommunist Partiyası Təşkilatının ərazisində quraşdırılıb.

Sovet liderinin Novosibirskdə daha bir abidəsinin quraşdırılması təşəbbüsü ilə yerli Kommunist Partiyasından olan deputat Roman Yakovlev müraciət edib. Noyabr ayında o, Novosibirsk meriyasının Stalinə abidə ucaldılması təşəbbüsünü təsdiqlədiyini bəyan etmişdi.