Oğru görünməz olmaq üçün cadugərə pul verdi

İranda banka girib soyğunçuluq edən oğru qəribə hərəkətləri ilə diqqəti cəlb edib.

Bakupost.az xəbər verir ki, o, sadəcə kassa önündə müştərinin əlindən pulu çəkib aparmaq istəyib. Hadisə zamanı oğru üzünə maska taxmayıb və tələsmədən hərəkət edib.

Sonradan polis bölməsində sorğuda etiraf edib ki, banka getməzdən əvvəl cadugərə 500 dollar verərək, onu görünməz etməsini tələb edib. Cadugər pulu alaraq, guya onun istəyini yerinə yetirib.

Maraqlısı odur ki, oğru özünü yox, cadugəri günahkar bilir və özünü qurban hesab edir.