Olimpiada qalmaqalı: "Təhsil İnstitutunun izahları yanlışdır" - Professordan növbəti ittihamlar

Bunu Bakupost.az -a riyaziyyat elmləri doktoru, professor Rəşid Əliyev bildirib.

O qeyd edib ki, səhv tapşırıqlarla bağlı Təhsil İnstitutuna ünvanladığı 06 mart tarixli müraciətinə yalnız məsələ ictimailəşdirildikdən sonra, 14 aprel tarixində (müraciətdən 39 gün sonra) cavab verilib və bu cavab Təhsil İnstitutunda mütəxəssis çatışmazlığını bir daha göstərir:

"Təhsil İnstitutu tərəfindən mənə ünvanlanan cavab məktubunda 1, 13, 14 və 17 nömrəli sualların səhv olduğu və bu sualların şagirdlərin lehinə həll olunduğu bir daha qeyd olunub. 4, 11, 28, 5 və 2 nömrəli sualların isə niyə səhv olmaması barədə səhv əsaslandırmalar verilib.

Sualın şərtindən B nöqtəsindən enən hündürlüyün oturacağının AC tərəfi üzərində olması nə görünür, nə də alınır. Qeyd edim ki, AC tərəfinə endirilmiş hündürlük vacib deyil ki, AC tərəfinin üzərinə düşsün, kənarına da düşə bilər. Təhsil İnstitutunun mütəxəssisləri hündürlüyün tərifini bir daha oxusunlar: Üçbucağın təpəsindən qarşıdakı tərəfi üzərində saxlayan düz xəttə çəkilmiş perpendikulyara bu üçbucağın hündürlüyü deyilir (bax: 7-ci sinif Riyaziyyat dərsliyi).

________________________________________

Məsələnin şərtində deyilmir ki, çevrə AB və BC tərəflərini M və N nöqtələrində kəsir. Orada deyilir ki, çevrə AB və BC-ni M və N nöqtələrində kəsir. AB və BC deyiləndə isə parça yox, düz xətt də başa düşülə bilər. Cavabın 2-ci hissəsində isə özləri də hiss etmədən mənim haqlı olduğumu yazıblar.

___________________________________________

Əvvəla əksər, riyazi ədəbiyyatlarda zər məsələlərində ehtimalın bərabər paylandığını bildirmək üçün bircins zər terminindən istifadə olunur, top çəkmə məsələlərində isə topların eyni olması vurğulanır. Cavabın sonunda isə razılaşmanın olması hələ hadisənin mütləq baş verəcəyini göstərmir. Onu da şərtə əlavə etmək lazımdır. Bundan əlavə məsələ həndəsi ehtimal vasitəsilə həll olunur ki, bu mövzu da 2024-2025-ci tədris ili üçün Riyaziyyat fənni üzrə Respublika Fənn Olimpiadalarının proqramına daxil edilməyib. Əgər məsələnin həndəsi ehtimaldan istifadə olunmayan həlli varsa, buyurun göstərin.

_________________________________________

Əvvəla, Loqarifmik ifadələr üstlü ifadələrin bir hissəsi deyil, özü ayrıca mövzudur. İkinsici də Loqarifm mövzusu 10-cu sinfin sonunda tədris olunur, Olimpiada isə 10-cu sinfin ortasında keçirilir, yəni Olimpiada keçirilən zaman 10-cu sinif şagirdləri hələ Loqarifm mövzusunu keçmirlər (bax: 10-cu sinif Riyaziyyat dərsliyi). Deməli, bu mövzuda sual salmaq olmaz!!!

___________________________________________