Ölümcül Nepah virusu Rusiyaya keçə bilər – Əməkdar həkim

Bakupost.az xəbər verir ki, Rusiyanın əməkdar baş həkimi Andrey Osipov Hindistanda ocaqlanan Nepahın Asiyadan Rusiyaya sıçrayacağını istisna etmir.

“Bu infeksiya çox təhlükəlidir və iflic yarada bilir. Ağırlaşma zamanı orqanizmin bütün sistem və orqanları sıradan çıxır. Ölüm faizi yüksəkdir. Turistik axın Asiyadan çoxalır, deməli, virus sərhədləri keçə bilər.

Hava limanlarında Rospotrebnadzorun postları var, onlar infeksiyalı şəxsləri ayırd edə biləcək. Əgər şübhəli xəstə olarsa, dərhal xəstəxanaya aparılır.

Nepah virusu yoluxmuş heyvandan, yeməkdən, toxunmaqdan, insandan-insana keçə bilər.

Nepahin xüsusi dərmanı və ya peyvəndi yoxdur.