“Paşinyan gec də olsa, doğru qərar verdi" - Millət vəkili

Bunu Bakupost.az -a millət vəkili Arzu Nağıyev deyib.

O qeyd edib ki, qarşı tərəf əvvəl məsələnin Konstitusiya Məhkəməsində həll olunmasını təklif edib:

"Sonra parlament səviyyəsində həyata keçirilməsi müzakirə olundu. Referendum yolu da gündəmə gətirildi. Sonda bildirildi ki, bu, referendumsuz da mümkündür. Paşinyan vurğuladı ki, yeni konstitusiyanın ümumxalq səsverməsi yolu ilə qəbul edilməsi zəruridir. Ermənistan əsas qanununa dəyişiklik edilməyincə, sülh müqaviləsi imzalana bilməz. Ona görə də, iki ölkə arasında sülh yolunda maneələr aradan qaldırılmalı, Ermənistan konstitusiyası dəyişdirilməlidir. Əks halda sülh sazişi imzalanmayacaq. Artıq Paşinyanın öz dilindən də ölkənin əsas qanunun dəyişdirilməsinin vacibliyi bildirilir. Bu gün haylar üçün tək Rusiyadan gələn yol deyil, eyni zamanda, iqtisadiyyatın şaxələndirilməsi çox önəmlidir. Bu, əsas məqamlardan biridir və Paşinyanı belə addım atmağa sövq edir. Paşinyan yalnız Avropaya inteqrasiya məsələsinə görə deyil, həm də Azərbaycanın haqlı tələbini nəzərə almaqla bu addımları atmağa çalışır. Xalqa müraciətinin təməlində də bu dayanır”.