21:42 / 11 Noyabr 2024

Polşada Müstəqillik yürüşündə SSRİ bayrağı qaldırıldı

806

Polşa millətçilərinin 11 noyabrda Respublikanın Müstəqillik Günündə Varşavada təşkil etdiyi "Müstəqillik yürüşü" sakit şəkildə keçirilib. Aksiyada 90 minə yaxın insan iştirak edib.

Bakupost.az xəbər verir ki, bu barədə Varşava meriyasının nümayəndəsi Majena Qavkovskaya PAP-a bildirib.

“Paytaxtın Mühafizə Mərkəzinin hesablamalarına görə, bu il Müstəqillik marşında 90 minə yaxın insan iştirak edir”, - deyə o bildirib.

Eyni zamanda, təşkilatçılar yürüş iştirakçılarının sayının 250 min, mühafizəkar “Republika” telekanalı isə 150 min olduğu barədə məlumat verib.

"Varşava küçələrində vəziyyət çox sakit görünür", - deyə Təhlükəsizlik Mərkəzinin direktoru bildirib.

Onun sözlərinə görə, pirotexniki vasitələrdən istifadə halları var, lakin bu, əvvəlki illərlə müqayisədə xeyli azdır.

Bir çox nümayişçi özləri ilə hökumət əleyhinə plakatlar, o cümlədən baş nazir Donald Tusk və Varşava meri Rafal Tşaskovskinin ünvanına nalayiq sözlər yazılan lövhələr gətiriblər.

Bundan əlavə, yürüş iştirakçıları əlində Avropa Komissiyasının rəhbəri Ursula fon der Leyenin üzərindən xətt çəkilmiş bannerlər tutub, ifrat sağçı gənc fəallardan biri isə Aİ bayrağını yandırıb.

Müstəqillik yürüşünə bir neçə saat qalmış polis onlarla insanı saxlayıb, onların üzərində narkotik və kəsici-deşici əşyalar aşkar edib. Polşa paytaxtında 75 nəfərdən qadağan olunmuş pirotexniki vasitələr müsadirə edilib. Bundan əlavə, yürüşün iştirakçılarından birindən SSRİ bayrağı götürülüb.

Zaur, BakuPost

Şərhlər

Seçilmiş Zəngimcell