ABŞ prezidentinin müttəfiqi, Amerikalı milyarder İlon Maskın atası Errol Mask ailəsi ilə birlikdə Rusiya diktatoru Vladimir Putinə heyran olduğunu bildirib.
Bakupost.az xəbər verir ki, o, bu barədə BBC-yə müsahibəsində bildirib.
"Siz deyirsiniz ki, İlonla vaxtaşırı siyasi müzakirələr aparırsınız. O, nə vaxtsa Rusiya prezidentinin adını çəkibmi? O, Vladimir Putin haqqında nə düşündüyünü deyibmi?" – jurnalist Errol Maska sual verib.
"Ailə olaraq biz cənab Putinə bir az heyranıq. Ona heyran olmamaq axmaqlıq olardı, çünki o, həmişə sakitdir. Mən onun danışmasına qulaq asıram və o, məntiqlidir. Cənab Putinə heyran olmamaq çox çətindir", - Errol Mask deyib.
Maskın atasının sözlərinə görə, bu cür düşünən təkcə o deyil, həm də oğludur.
"Biz hamımız eyniyik, hamımız eyni fikirdəyik. Bütün "bu oğlana etibar etmə" ritorikasında olanlar, bütün bu insanlar sizi inandırmağa çalışırlar ki, Putinin dediklərinə etibar etməməlisiniz", - Trampın müttəfiqinin atası deyib.
Zaur,BakuPost