Putinlə Şolts arasında kritik müzakirə - Kreml detalları açıqladı

Bakupost.az TASS-a istinadən xəbər verir ki, telefon danışığı Berlinin təşəbbüsü ilə baş tutub.

Kremldən verilən açıqlamaya görə, Putin Şoltsa Rusiyanın heç vaxt danışıqlardan imtina etmədiyi və Ukrayna ilə bağlı danışıqlara açıq olduğunu vurgulayıb.

Putin və Şolts köməkçilərinin əlaqə saxlaması barədə razılığa gəliblər.

"Ukrayna ilə bağlı mümkün razılaşmalar Rusiya Federasiyasının təhlükəsizlik maraqlarını nəzərə almalı, ərazi reallıqlarına əsaslanmalı və münaqişənin köklü səbəblərini aradan qaldırmalıdır", - deyə Kremldən bildirilib.

Putin Berlinin qeyri-dost kursu səbəbindən Rusiya-Almaniya münasibətlərinin görünməmiş deqradasiyasından danışıb. Qeyd edib ki, Rusiya enerji sektorunda öz öhdəliklərini həmişə aydın şəkildə yerinə yetirib və Almaniya maraq göstərəcəyi təqdirdə qarşılıqlı faydalı əməkdaşlığa hazırdır.

Putin Şoltsa Rusiyanın Yaxın Şərqdə gərginliyi azaltmaq səyləri barədə də danışıb.