18:41 / 12 Noyabr 2024

Qaxda qəza: ana bir övladını itirdi, digəri yaralandı - FOTO

1109

Qax rayonunda ölümlə nəticələnən yol qəzası olub.

Bakupost.az -ın APA-ya istinadən məlumatına görə, hadisə bu gün 17 radələrində Qax-Qorağan avtomobil yolunda, Əmircan kəndi ərazisində baş verib. Rayonun Turaclı kənd sakini 25 yaşlı Günay Hüseynovanın idarə etdiyi “Nissan” markalı avtomobil idarəetmədən çıxaraq yolun kənarındakı ağaca çırpılıb.

Nəticədə sürücünün avtomobildə olan iki ay yarımlıq oğlu aldığı xəsarətlərdən hadisə yerində həyatını itirib.

G. Hüseynova və iki yaşlı qızı müxtəlif dərəcəli bədən xəsarətləri alaraq Qax Rayon Mərkəzi Xəstəxanasına yerləşdiriliblər.

DİN-in Mətbuat Xidmətinin Şəki regional qrupundan APA-ya bildirilib ki, faktla bağlı cinayət işi başlanılıb, araşdırmalar aparılır.