“Qəzzaya yəhudilər yerləşdirilsin” - İsrailli nazirdən qalmaqallı açıqlama

İsrailin Mənzil və Tikinti naziri Yitzak Qoldknof qalmaqallı açıqlama ilə gündəmə gəlib.

Bakupost.az xarici KİV-ə istinadən xəbər verir ki, o, Qəzza zolağına yəhudilərin yerləşdirilməsi çağırışı edib.

Qoldknof işğal altındakı Qərb Sahili, Şərqi Qüds və Qolan Təpələri ilə yanaşı, Qəzzada da fələstinlilərin torpaqlarının ələ keçirilməsi və bu ərazilərdə İsrail məskənlərinin qurulmasını müdafiə edən Naçalot Assosiasiyasının qurucusu Daniella Veis ilə Qəzza sərhədində görüş keçirib. Burada Veis və onun yanındakılar Qoldknofa Qəzzanın müxtəlif bölgələrində yəhudilərin yerləşdirilməsi üçün qanunsuz məskənlərin tikiləcəyi ərazilərin xəritəsini təqdim ediblər.