Yapon mətbəxindən sual salınmışdı – Rus dili müəllimləri sertifikasiyadan şikayətlənir

"Cavablar da həddindən artıq bir-birinə yaxın idi. Digər bir problem vaxt qıtlığıdır. Mətnlər düşündürücü idi, vaxt aparırdı. Vaxtımızın azlığından metodika suallarına baxa bilmədik. Məsələn, coğrafiyadan uzun-uzun mətnlər hazırlanmışdı. Bu fəndən sınaq imtahanında Azərbaycana, şəhərlərimizə aid testlər işləyirdik. Burada isə ümumiyyətlə, başqa suallar idi. Hətta, Yapon mətbəxindən belə mətnlər salınmışdı".

"Biz məktəbdə qiymətləndirmə keçirirdik. Adətən, 10-15 sual salırdıqsa, ilk 5-i asan olurdu. Sonra 10, 15, 20 ballıq suallar qoyurduq. Yəni suallar bu meyarlarla bölünürdü. Burada isə demək olar ki, asan sual yox idi. Hamısı 1 ballıq çətin, düşündürücü, mürəkkəb suallar idi. O qədər məntiqsiz, aidiyyəti olmayan suallar vardı ki... Bizi bu yolla təhsildən uzaqlaşdırmaq istəyirlər. Neçə ildir rus dili ilə bağlı vəziyyət belədir. Bütün müəllimlər narazıdır. İmtahana hazırlaşanda başqa, imtahanda isə tamam başqa suallar”.