Rusiya ABŞ-ın 30 günlük atəşkəs təklifinə şübhə ilə yanaşır - Reuters

Bakupost.az xəbər verir ki, bu barədə Reuters-ə bildirib.

Agentlik qeyd edir ki, Rusiyanın 2022-ci ildə Ukraynaya hücumu yüz minlərlə insanın ölümü və yaralanmasına, milyonlarla insanın isə evlərindən didərgin düşməsinə səbəb olub:

"Bu, Moskva ilə Qərb arasında 1962-ci il Kuba raket böhranından sonra ən böyük qarşıdurmaya yol açıb.

ABŞ Prezidenti Donald Tramp, əvvəlki siyasəti dəyişərək, Moskva ilə ikitərəfli danışıqlara başlamaqla yanaşı, Ukraynaya hərbi yardım və kəşfiyyat məlumatlarının ötürülməsini dayandırıb. O, “Ukrayna müharibəni dayandırmaq üçün şərtləri qəbul etməlidir” deyib".

Agentliyin məlumatına görə, Birləşmiş Ştatlar çərşənbə axşamı Kiyev atəşkəs təklifini dəstəkləməyə hazır olduğunu bildirdikdən sonra hərbi yardım və kəşfiyyat paylaşımını bərpa etməyə razı olub. Bir Rusiya mənbəsi bildirib ki, Moskva hər hansı atəşkəsin şərtlərini müzakirə etməli və bəzi zəmanətlər əldə etməlidir.

"Putinin bu təklifi indiki formada qəbul etməsi çətindir", - deyən mənbə vəziyyətin həssaslığı səbəbindən adının çəkilməməsini istəyib.

Rusiya Ukraynanın beşdə birini, təxminən 113,000 kvadrat kilometr sahəni nəzarət altına alıb və aylar boyu irəliləyir. Ukrayna avqust ayında Rusiyanın bir hissəsini - Kursku əldə edərək müzakirə üçün ondan bir alət kimi istifadə edib. Lakin Rusiyanın təxminlərinə görə onların oradakı möhkəmlənməsi getdikcə zəifləyir.

Rusiya mənbəsi bildirib ki, atəşkəs ilə yanaşı zəmanətlər olmadan Rusiyanın mövqeyi sürətlə zəifləyə bilər və Qərb onu müharibəni bitirməməkdə ittiham edə bilər.

Başqa bir yüksək rütbəli Rusiya mənbəsi isə atəşkəs təklifinin Moskva baxımından bir tələ olduğunu bildirib. Çünkü konkret zəmanətlər və ya öhdəliklər olmasa, Putin müharibəni dayandırmaqda çətinlik çəkə bilər.

Üçüncü bir Rusiya mənbəsi isə mənzərəni belə izah edib: Birləşmiş Ştatlar hərbi yardımı və kəşfiyyat paylaşımını bərpa etməyə razı olub və bu addımı atəşkəs təklifi ilə bəzəyib.

Kreml isə hələ məsələ ilə bağlı açıqlama verməyib.

Xarici İşlər naziri Sergey Lavrov son müsahibəsində bildirib ki, Rusiya heç bir halda Ukrayna torpağında NATO üzvü olan ölkələrin hərbi qüvvələrini qəbul etməyəcək.

"Rossiya 24" dövlət televiziyası ABŞ Dövlət katibi Marko Rubionun Ukraynanın danışıqlara hazır olduğu ilə bağlı şərhinin, Kiyevin Rusiya ilə münasibətlərinin tarixini nəzərə alaraq, "çox saf" göründüyünü bildirib.