Rusiya "Taliban"ı terror təşkilatları siyahısından çıxaracaq?

"Taliban"ın terror təşkilatları siyahısından çıxarılması prosesinin rəsmiləşdirilməsi zəruridir.

Bakupost.az Vedomosti.ru-ya istinadən xəbər verir ki, bunu Rusiya prezidentinin mətbuat katibi Dmitri Peskov bildirib.

Onun sözlərinə görə, Prezident Vladimir Putin daha əvvəl bu ölkə ilə əlaqələr qurulmasının zəruriliyini, xüsusilə də “Taliban”ın yerləşdiyi Əfqanıstanın qonşu regionda olmasının önəmini qeyd edib.

Noyabrın 26-da Rusiya Dövlət Dumasın bəzi xarici və beynəlxalq təşkilatların terror təşkilatları siyahısından çıxarılması mexanizmini nəzərdə tutan qanun layihəsi təqdim edilib. Bu layihə, terrorizmi dəstəkləməyən təşkilatlara qadağaların aradan qaldırılması üçün mexanizmin yaradılmasını nəzərdə tutur.