Finlandiya prezidenti Aleksander Stubb deyib ki, ölkəsi uzunmüddətli müharibənin öhdəsindən gəlmək üçün müdafiə resurslarına sərmayə qoymalıdır.
Bakupost.az TASS-a istinadən xəbər verir ki, o, Rusiyanın Finlandiyaya qarşı təhdidinin uzunmüddətli olduğunu düşünür.
"Resurslar ehtiyaclara uyğun olmalıdır. Təhlükəsizliyimizi nəzərə alsaq, müdafiə resurslarına ehtiyacın azalacağını göstərən heç bir şey yoxdur. Biz inanırıq ki, Rusiya Ukraynadakı müharibədən sonra öz hərbi maşınını yenidən silahlandıracaq və onun Finlandiya üçün təhlükəsi uzunmüddətli olacaq", - deyə Stubb milli müdafiə kursunda çıxışı zamanı vurğulayıb.
Çıxışın mətni respublika başçısının saytında dərc olunub.
Stubbın sözlərinə görə, resurslar xüsusilə quru qoşunları üçün lazımdır. Prezident əlavə edib ki, Aİ ölkələri ümumi müdafiə həlləri axtarmalıdır.
Stubb onu da deyib ki, "uzunmüddətli müharibə üçün imkanlar vacibdir. Ehtiyatlar olmalıdır və bu məsələdə müdafiə sənayesinin rolu mərkəzdə olacaq".
Zaur, BakuPost
452
MEDİA 
ZƏNGİMCELL
