Aprelin 4-də Rusiya ordusunun Ukraynanın Krivoy Roq şəhərinə hücumu nəticəsində ölənlərin sayı 19 nəfərə çatıb, onlardan 9 nəfəri uşaqdır.
Bakupost.az UNİAN-a istinadən xəbər verir ki, bunu Vilayət Hərbi Administrasiyasının rəhbəri Sergey Lısyak açıqlayıb.
Vilayətin Müdafiə Şurasının rəhbəri Aleksandr Vilyul isə Rusiyanın daha çox yaşayış məntəqələrini hədəfə aldığını deyib.
Ümumilikdə hücum nəticəsində 68 nəfər zərər çəkib. Aralarında iki uşaq olmaqla, 40 nəfərin xəstəxana şəraitində müalicəsi davam etdirilir.
Hücum zamanı 34 çoxmənzilli bina, 6 təhsil müəssisəsi, eləcə də bir sıra mağaza, biznes və infrastruktur obyekti və avtomobilə ciddi ziyan dəyib.