Rusiyanın sirli “Qiyamət radiosu”dan yeni mesajlar - FOTO

Bakupost.az xəbər verir ki, daim vızıltı səsi yayan bu radio, mühüm hadisələrdən əvvəl mesajlar göndərir. Lakin onun əsas məqsədi rəsmi olaraq təsdiqlənməyib. Bu da onun həqiqi funksiyası barədə müxtəlif nəzəriyyələrin ortaya çıxmasına səbəb olur.

“Qiyamət radiosu” olaraq məşhurlaşan UBV-76 qeyri-adi və hələ də həll edilməyən mesajları ilə yenidən diqqət mərkəzinə düşüb. Son günlərdə gündəlik olaraq 24 mesaj yayımlandığı bildirilən bu radiostansiyasının, adətən yalnız kritik hadisələrdən əvvəl anlaşılacaq sözlər yayımladığı iddia edilir.

Rusiyanın nüfuzlu qəzetlərindən biri olan “Argümentı i Faktı” yayımlanan mesajların detalları haqqında məlumat verib. İlk mesajın “ABC” olduğu qeyd edilib, daha sonra “Hunhuz” və “Nanayka” kimi sözlər eşidilib. Daha sonra isə “pankosvod”, “oneurost”, “latograch” və “gehenna” kimi maraqlı sözlər yayımlanıb. Son mesajın Moskva vaxtı ilə 17:14-də yayımlandığı bildirilir.