Rusların kütləvi PUA hücumu: Kiyevi yanğınlar bürüdü - FOTO

Bakupost.az xəbər verir ki, UNİAN Kiyev Şəhər Hərbi Administrasiyasına istinadən hücum nəticəsində paytaxtın beş rayonuna PUA qalıqlarının düşdüyünü bildirib.

Nəticədə hündürmərtəbəli binada və xəstəxanada yanğınlar baş verib, xəsarət alanlar var.

Belə ki, Qoloseyevski rayonunda yaşayış binasındakı mənzilə ziyan dəyib. Bir nəfər tibbi yardım üçün müraciət edib. Ümumi sahəsi 200 kvadratmetr olan qarajlarda və yaxınlıqdakı texniki xidmət stansiyasında da yanğın baş verib.

Peçersk vilayətində PUA qalıqlarının düşməsi nəticəsində yaşayış binasının 33-cü mərtəbəsindəki restoranda 50 kvadratmetr sahədə yanğın baş verib, 34-cü texniki mərtəbənin tikinti konstruksiyaları qismən dağılıb.

Solomenski rayonunda bir müəssisənin ərazisindəki anbarın 600 kvadratmetr sahəsində yanğın baş verib. Kiyev meri Vitali Kliçkonun sözlərinə görə, bir nəfər xəstəxanaya yerləşdirilib. Bundan başqa, tibb məntəqəsinin ərazisinə də PUA qalıqları düşüb. Zərərçəkənlərlə bağlı məlumatlar dəqiqləşdirilir.

Bundan əlavə, Obolonski rayonunda 6 mərtəbəli biznes mərkəzi binasının damında 10 kvadratmetr sahədə yanğın baş verib.

Paytaxtın Podolsk rayonunda da qalıqların düşməsi qeydə alınıb, yaşayış binasında yanğın baş verib.