Salyanda avtomobil 68 yaşlı qadını vuraraq öldürüb
Salyan rayonunda avtomobil qadını vuraraq öldürüb.
Bakupost.az -ın məlumatına görə, hadisə bu gün axşam saatlarında şəhərin mərkəzində baş verib.
Belə ki, yolu keçmək istəyən zaman şəhər sakini, 1956-cı il təvəllüdlü Ağayeva Naibə Hidayət qızını avtomobil vurub.
Qadın hadisə yerində keçinib. Faktla bağlı araşdırma aparılır.
Ağsu rayonunda da ölümlə nəticələnən ağır yol-nəqliyyat hadisəsi baş verib.
Belə ki, 1991-ci il təvəllüdlü Səlimov Tehran Nəriman oğlu "KIA" markalı avtomobillə hərəkətdə olarkən idarəetməni itirib.
T.Səlimov elə hadisə yerində dünyasını dəyişib.
Hazırda faktla bağlı araşdırma aparılır.