17:45 / 09 İyul 2024

Televiziya "dib"i qarışdırmamalıdır - Kamran Həsənli

3929

"Televiziya olduqca güclü silahdır. Toplumun mentalitetini dəyişə, ənənəsini məhv edə bilər. Ya da əksinə, millətin qürurunu bərpa edə bilər”.

Bunu Bakupost.az -a açıqlamasında telejurnalist Kamran Həsənli Azərbaycan televiziyalarında yayımlanan şou proqramlar haqda danışarkən deyib.

O, televiziya işinin maarifləndirmə, ideoloji yönəltmə və əyləncə üzərində qurulduğunu bildirib:

“Bizdə isə televiziya apardığı təbliğatla mənəviyyatımızı pozur, adət-ənənələrimizi məhv edir. Cəmiyyət özü müxtəlif təbəqələrdən ibarətdir. Lap dib var və onu su ilə qarışdırsanız, su bulanacaq, o şəffaflıq itib gedəcək. O dibi qarışdırmaq televiziyanın işi deyil. Televiziya əksinə o dibi lap dibə yatırtmalı və üst, düşünən təbəqəni lokomotivinə çevirməlidir. Düşünən təbəqə isə cəmiyyəti yönəltməlidir".

K.Həsənli televiziyalarımız kimi kino sahəsində də vəziyyətin bərbad olduğunu bildirib:

“Kino da güclü təbliğatçıdır, o düşünən təbəqənin məhsuludur. Televiziya isə hər gün sənin qonağındır, saatbasaat beyninə işləyir. Kino isə belə deyil, ona görə bizdə kinonun ölüb getməsi televiziyanın yaratdığı kütləvi ədəbsizliyin nəticəsidir”.

Vasif ƏIihüseyn

BakuPost

Şərhlər

Seçilmiş Zəngimcell