Tramp ABŞ-də ispan dilini qadağan edib?

Bakupost.az Euronews.com-a istinadən bildirir ki, hazırda ABŞ-də ispan dilində danışmağa görə cərimə və ya həbs cəzası tətbiq edən heç bir qanun mövcud deyil.

""La Ley del Silencio Hispánico" adlı belə bir qanun mövcud deyil və bu, dezinformasiyadır. ABŞ Konstitusiyası ifadə azadlığını qoruyur və insanların istədikləri dildə danışmaq hüququ var. Bu iddialar tamamilə yalandır və heç bir rəsmi mənbəyə əsaslanmır. ABŞ Konstitusiyası söz və ifadə azadlığını qoruyur və insanlar istədikləri dildə danışmaq hüququna malikdirlər", - xəbərdə deyilir.

Qeyd edək ki, bundan əvvəl sosial şəbəkələrdə İspan dilində danışanların 5000 dollar cərimələnəcəyi və ya həbs oluna biləcəyi, Trampın yeni qaydaları bəyənməyən hər kəsi deportasiya etməklə hədələdiyinə dair video yayılıb. Video 50.000-dən çox bəyənmə toplayıb. Bir çox digər sosial media yazılarında da eyni şəkildə Trampın ispan dilini qadağan etdiyi iddia edilib.

X-də yayılan oxşar videolardan birində deyilir ki, immiqrantlar ictimai yerlərdə ispan dilində danışarkən tutulsalar, avtomatik olaraq həbs edilərək, ölkədən deportaiyavə ya 2000 dollar cərimə olunacaqlar. Qeyd olunur ki, bu addım "La Ley del Silencio Hispano" və ya "İspan sükutu qanunu" kimi tanınır.

Bununla belə, heç bir nüfuzlu nəşr bu məsələni fakt kimi təqdim etməyib.

Yalan iddiaların ən çox ehtimal olunan mənbəyi Trampın martın 1-də imzaladığı və ingilis dilini ABŞ-nin rəsmi federal dili kimi təyin edən sərəncamdır. Sakinlərin böyük əksəriyyəti bu dildə danışdığı üçün indiyədək ingilis dili ölkənin de-fakto dili olub.