Trampdan dövlət borcu və kriptovalyuta zarafatı

Bakupost.az TASS-a istinadən xəbər verir ki, o, ən yüksək dövlət vəzifəsinə seçilərsə, 35 trilyon dollardan çox dövlət borcunun kriptovalyuta ilə ödənilməsinə göstəriş verə biləcəyini deyib.

"Mümkündür ki, 35 trilyon dolları kriptovalyuta ilə ödəyəcəyik. Mən təxminən 35 trilyon dollarlıq kriptovalyuta ayrılması ilə bağlı kiçik bir kağız yazacağam və vəssalam, bizim borcumuz qalmayacaq", - Tramp ianə toplama mərasimində deyib.

Tramp əlavə edib ki, kriptovalyutanın “böyük gələcəyi” olduğuna inanır.

Respublikaçının çıxışın videoyazısının bir fraqmenti Bitcoin Magazine portalı tərəfindən yayılıb.

Noyabrın 5-də ABŞ-da növbəti prezident seçkiləri keçiriləcək. Tramp və Demokratların nümayəndəsi Kamala Harris dövlət başçısı postu uğrunda mübarizə aparacaq. Tramp Amerikanın 45-ci prezidenti (2017-2021) olub. O, 2020-ci il seçkilərində demokrat Co Baydenə uduzdu və indi Ağ Evə qayıtmağa çalışır. Harris 2021-ci ilin yanvarından vitse-prezident vəzifəsində çalışır.