12:26 / 27 İyun 2024

Utilizasiyaya hansı maşınlardan başlanılır? - Açıqlama

5948

Azərbaycanda ekoloji sağlamlığın qorunması məqsədilə köhnə nəqliyyat vasitələrinin utilizasiyası prosesinə başlanılıb. Bununla bağlı Nazirlər Kabinetinin Kənd təsərrüfatı və ekologiya şöbəsinin müdiri Lətif Qasımov bildirib.

Bəs, ilk növbədə hansı avtomobillər dövriyyədən çıxarılacaq?

Bakupost.az -ın sualını nəqliyyat üzrə ekspert Ərşad Hüseynov cavablandırıb.

Onun sözlərinə görə, utilizasiya prosesində ilkin olaraq istismara yararsız, müasir tələblərə cavab verməyən avtomobillərin dövriyyədən çıxarılması nəzərdə tutulub:

“Əsas hədəf budur. Amma utilizasiya könüllü bir prosesdir. Yəni kiminsə avtomobilini əlindən almaq kimi bir hədəfi yoxdur. Utilizasiya prosesi elə bir işdir ki, burda onu tamamlayacaq, şərtləndirəcək xeyli işlər var və onlardan biri ictimai nəqliyyatın inkişafıdır. Ölkəmizdə ictimai nəqliyyat daha sürətlə inkişaf eləsə, komfort və digər kriteriyalarla bağlı məsələlər qaydasında olsa, bu proses daha uğurlu olacaq. Əgər ictimai nəqliyyat yerində saysa, hətta bir az geriyə getsə, insanlar məcbur olacaq ki, əllərində nə varsa, onda istifadəyə davam etsinlər. Yəni, o halda utilizasiya prosesi uğurlu olmayacaq”.

Vasif Əlihüseyn

BakuPost

Şərhlər

Seçilmiş Zəngimcell