Ru
12:33 / 21 Aprel 2025

Vahid Mustafayevin mağazasından 300 minlik saat oğurlayan çinlilərə hökm oxundu

Vahid Mustafayevin mağazasından 300 minlik saat oğurlayan çinlilərə hökm oxundu
Eye

Bakının Yasamal rayonunda yerləşən "VMF Continental" mağazasından oğurluqda ittiham olunan Zhang Guomin və Liu Bo-nun cinayət işi üzrə məhkəmə prosesi keçirilib.

Bakupost.az xəbər verir ki, Bakı Ağır Cinayətlər Məhkəməsində hakim Leyla Əsgərova-Məmmədovanın sədrliyi illə keçirilən prosesdə ittiham aktı elan olunub.

İttihama görə, təqsirləndirilən şəxslər "VMF Continental" mağazalar şəbəkəsinə məxsus Yasamal filialında İradə adlı satıcıdan baxmaq istədikləri saatı rəfdən çıxarmasını xahiş ediblər. Saatın şəklini çəkdikdən sonra Liu Bo satıcının diqqətini yayındıraraq başqa saatı göstərməsini istəyiblər.

Satıcının diqqəti yayınmışkən Zhang Guomin saatı oğurlayıb.

İttihama münasibət bildirən Zhang Guomin və Liu Bo özlərini təqsirli biliblər.

Lui Bo bildirib ki, saatı Zhang Guomin götürüb. Daha sonra bağışlanılması üçün "VMF Continental" şirkətinə dəymiş ziyana görə kompensasiya ödəməyə hazır olduğunu deyib.

Zhang Guom ifadəsində deyib ki, saatın belə bahalı olduğunu bilmirmiş: "Elədiklərimizə görə çox peşmanam". Təqsirləndirilən Lui Bo da saatın dəyərli olduğunu bilmədiyini və əməlindən peşman olduğunu deyib.

Zərərçəkən "VMF Continental" şirkətinin hüquqi nümayəndəsi isə təqsirləndirilən şəxslərdən şikayətçi olduqlarını açıqlayıb.

Zhang Guomin və Liu Bo zərərçəkmiş tərəfə 5 min dollardan 10 minə qədər kompensasiya ödəmə hazır olduğunu deyiblər.

Daha sonra iclasda şahidlər ifadə verib.

Bundan sonra məhkəmə istintaqı tamamlanıb.

Dövlət ittihamçısı çıxış edərək təqsirləndirilən Zhang Guomin və Liu Bonun 7 il müddətinə azadlıqdan məhrum edilməsini istəyib.

Təqsirləndirilən şəxslərin vəkilləri onların özlərini təqsirli bildiyini və ailələrinin ölkə xaricində olduğunu söyləyərək onlara yüngül cəza verilməsini xahiş edib.

Zhang Guomin və Liu Bo son sözünlərində çox peşman olduqlarını, bağışlanılmalarını və ölkələrinə göndərilmələrini xahiş edib.

Daha sonra təqsirləndirilən şəxslərin barəsində hökm elan edilib.

Hökmə əsasən, Zhang Guomin və Liu Bo 5 il müddətinə azadlıqdan məhrum ediliblər. Onlar cəzalarını ümumi rejimli cəzaçəkmə müəssisəsində çəkəcəklər. Onların cəzaları bitdiyi an ölkədən kənarlaşdırılacaqlar.

İttihama görə, onlar Yasamal rayonunda yerləşən "VMF Continental" mağazasından 330 min manat dəyərində olan "Breguet" markalı qol saatını gizli yolla oğurlayıblar.

Zhang Guomin və Liu Bo Cinayət Məcəlləsinin 177.3.2-ci (oğurluq, külli miqdarda ziyan vurduqda) maddəsi ilə ittiham olunurlar.

Qeyd edək ki, mətbuatda yazılan məlumatlara görə, "VMF Continental" mağazası ANS şirkətlər qrupunun prezidenti Vahid Mustafayevə məxsusdur.

Təqsirləndirilən şəxslərə qarşı sürülmüş ittihamda 5 ildən 10 ilədək azadlıqdan məhrum etmə cəzası nəzərdə tutulub.

Şərhlər
Captcha
Telegram
Bizi telegram-da izləyin
Facebook
Bizi facebook-da izləyin
Tiktok
Bizi tiktok-da izləyin
Youtube
Bizi youtube-da izləyin
Son xəbərlər
Çox oxunanlar