14:01 / 29 Avqust 2024

Xoşqədəmin verilişindəki ofisiant qadın

6635

Vasif Əlihüseyn

Şair, jurnalist

Özüm 10 ilə yaxın ofisiant işləsəm də, qadının ofisiant işləməsinə yaxşı baxmıram. Xüsusən də Bakıətrafı qəsəbələrdəki kafe və çayxanalarda. Televiziyalardakı sosial verilişlər, ər-arvad davalarının efirdə müzakirəsi rayon yerlərindəki bir çox qadınların gözünü açdı. İndi rayonda ər arvadına bir irad bildirməyinə peşman olur. Qadın dabanqırma paytaxta üz tutub gəlir oturur həmin o televiziya verilişində və ərinə hədə biçir. Hələ üstəlik bundan sonra Bakıda yaşayacağının davasını döyür.

Xoşqədəm Hidayətqızının verilişində bir qadın var idi, çıxışlarıyla sosial şəbəkələrdə də gündəm olmuşdu. Adını çəkmək istəmirəm. Verilişdə deyirdi ki, bundan sonra Bakıda yaşayacağam və gələcəkdə hüquqşunas olacağam. Günlərin birində Kürdəxanıda dostlarla oturub çay içəndə gördüm ki, həmin qadın ofisiant işləyir. Axı heç bir sənəti, işi olmayan qadın niyə ailə-uşağını rayonda atıb Bakıda kafedə ofisiant işləyir? Paytaxtda işi-gücü olmayan qadının sonuncu iş yeri elə o kafe və çayxanalardır.

Ölkədə demək olar ki, hər gün qardaş bacını, ər arvadını öldürür. Hadisənin səbəbləri isə demək olar ki, eynidir - qısqanclıq. Qadın sərbəst yaşamaq istəyir, kişi isə bunu qəbul etmir və öldürür. Dünən də Siyəzəndə 21 yaşlı oğlan qısqanclıq zəminində 28 yaşlı bacısını öldürdü. Beləliklə, 21 yaşlı oğlan dəmir barmaqlıqlar arasına, 28 yaşlı qız isə məzara getdi.

İllərdir ölkədə “qadın azadlığı” adı altında aparılan “təbliğat” bir çox ailələrin dağılmasına səbəb olub. Təbii ki, heç kim xanımını ayağından çarpayıya bağlamayıb. Sadəcə, hər bir ailənin öz daxili qayda-qanunları var. Qadın "azadlığı" təbliğatı aparan bu ərsiz arvadlara demək lazımdır ki, normal ailəsi olan qadın sizin kimi sərbəst olmaq istəmir.

Xırdalanda qonşumla kafedə çay içirik. Axşam vaxtıdı, müştəri çoxdu. Beş-altı qadın ofisiantlıq edir. Kişilər də bir yandan qışqırır: "Çay nə oldu?" , "Kababı soyutma, tez gətir!", "Sizdə hansı araqlar var?"...

Onlara baxanda fikirləşirəm olmazdımı ki, bu qadınlar evlərində ərlərinin qulluğunda durardılar. Elə ərləri üstlərinə belə qışqırıb onlardan yemək, çay istəyərdi. Budurmu, Bakıdakı iş karyerası?!

Bir də onu fikirləşirəm ki, qadın "azadlığı" təbliğatı davam etdikcə, Bakıda qarson ofisiantların sayı artacaq. Başqa heç nə...

Şərhlər

Abdal Kolxozdar

Nəyisə, niyəsə gizlədək? Hələ SSRİ dövründə də elə təsadüfən, ya qəsdən, tarlada, meşədə azan, internatdan-kafedə gizlədilənlər olub? Ona görə də Sovet ölkəsinin rifahı problemi kimi elliklə məşğulluqla həll edirdi!? Daxili düşünə bilməyib, *Qərb*lə sövdələşib, çoxdan sahibkar-ağa kimi yaşamaq istəyən liderlər aşkarca iri camış-inək ferması, ya Kondensioner, Bakmil, Şmidt kimi kollektivlərdən (yəni anlayıb-dəstəkləyən Cəmiyyətsiz) işləməyə üstünlük verildiyindən, heç bir cinayətin qarşısı kəskinliklə alına bilmir?

Seçilmiş Zəngimcell

M.Ə.Rəsulzadə - Yaşa, Azərbaycan!

8007

Bizi telegram-da izləyin

Bizi facebook-da izləyin

Bizi tiktok-da izləyin

Bizi youtube-da izləyin

Son xəbərlər

Çox oxunanlar

Son xəbərlər