Ru
10:27 / 29 Dekabr 2024

YTN: Qəzadan sağ çıxan iki nəfər ekipaj üzvüdür

YTN: Qəzadan  sağ çıxan iki nəfər ekipaj üzvüdür
Eye

Cənubi Koreyada baş vermiş təyyarə qəzasından sağ çıxan iki nəfərin vəziyyəti qənaətbəxşdir.

Bakupost.az “YTN"-ə istinadən xəbər verir ki, hər iki sağ qalan şəxs ekipaj üzvüdür. Ekipaj üzvləri təyyarənin zərbə zamanı gövdədən ayrılan quyruq hissəsində olublar.

Stüardessa təcili yardım xidmətlərinə bildirib ki, mühərriklərdən birindən tüstü çıxmağa başladı, daha sonra partlayış baş verdi. Şahidlər birinci eniş cəhdindən sonra mühərriklərdən birində alov gördüklərini deyiblər.

İlkin məlumatlara görə, qəza təyyarənin quşlarla toqquşması nəticəsində yaranan şassi nasazlığı səbəbindən baş verib. Təyyarə birinci dəfə eniş etməyə cəhd edib, lakin əlavə dövrə vurmağa məcbur olub. Ekipaj təyyarəni gövdə üzərinə endirməyə çalışıb, lakin sürəti azaltmaq mümkün olmayıb və təyyarə uçuş-enmə zolağının sonundakı konstruksiyaya çırpılaraq yanğına səbəb olub.

Qeyd edək ki, Cənubi Koreyada içərisində 175 sərnişin və 6 ekipaj üzvü olan təyyarə uçuş-enmə zolağından çıxaraq hasara çırpılıb.

Rəhman Mirzəlizadə, BakuPost


Şərhlər
Captcha
Telegram
Bizi telegram-da izləyin
Facebook
Bizi facebook-da izləyin
Tiktok
Bizi tiktok-da izləyin
Youtube
Bizi youtube-da izləyin
Son xəbərlər
Çox oxunanlar