16:34 / 08 Dekabr 2024

Zelenski Trampın atəşkəs tələbini rədd etdi

2087

Vladimir Zelenski ABŞ-ın yeni seçilmiş prezidenti Donald Trampın dərhal atəşkəs çağırışını rədd edib.

Bakupost.az xəbər verir ki, bu barədə Zelenski sosial şəbəkədə paylaşımında bəyan edib.

Zelenski həmçinin Trampın Ukraynanın Rusiya ilə razılaşmaya hazır olması barədə bəyanatına reaskiya verməyib. O, bunu təsdiq və ya təkzib etmək əvəzinə yenidən tələblər irəli sürüb.

Bir gün əvvəl Tramp Parisdə Fransa prezidenti Emmanuel Makron və Zelenski ilə görüşüb. Görüş 20 dəqiqə davam edib və danışıqlardan sonra yekun bəyanat verilməyib.

Bu gün Tramp özünün “TruthSocial” sosial şəbəkəsində “Zelenski və Ukraynanın Rusiya ilə saziş bağlamaq istədiklərini bildirib və həmçinin “təcili atəşi dayandırmağa və danışıqlara başlamaq lazımdır” bəyanatını verib.

Zelenskinin özü əvvəllər Rusiya ilə hər hansı sövdələşmə bağlamaq istəyindən danışmayıb.

Trampın yazısına cavab olaraq Zelenski Ukrayna münaqişəsinin “bir neçə imzalı bir kağız parçası ilə” bitməsini istəmədiyini və Qərbin təhlükəsizlik zəmanəti olmadan atəşkəsi mümkün olmayacağını yazıb.

Zelenski həmçinin Moskvaya qarşı bir sıra ittihamlar səsləndirib və Vaşinqtondan “güc vasitəsilə sülhə” nail olunmasını tələb edib.

Rusiya tərəfi hələlik Tramp və Zelenskinin son sözlərini rəsmi şəkildə şərh etməyib.

Şərhlər