Zelenskidən sensasiya: Gürcüstana sanksiya tətbiq edəcəyik

Bakupost.az TASS-a istinadən xəbər verir ki, bu barədə Ukrayna Prezidenti Vladimir Zelenski məlumat verib.

“Gürcüstandakı vəziyyətlə bağlı hesabat vardı. Mən müvafiq sanksiya qərarlarının hazırlanmasını tapşırdım”, - deyə Zelenski Telegram kanalında yayımladığı videomüraciətdə bildirib.

O, bunların hansı sanksiyalar olacağını və nə vaxt tətbiq ediləcəyini açıqlamayıb.

Noyabrın 28-də Gürcüstanda hökumət əleyhinə nümayişlərin növbəti dalğası başlayıb. Aksiyaya səbəb ölkənin baş naziri İrakli Kobaxidzenin bəyanatı olub. O bildirib ki, hakim “Gürcü Arzusu – Demokratik Gürcüstan” partiyası 2028-ci ilin sonuna qədər Avropa İttifaqına daxil olmaq üzrə danışıqlar məsələsini gündəmə gətirməmək və icmadan bütün büdcə qrantlarından imtina etmək qərarına gəlib. Hökumət başçısının sözlərinə görə, buna səbəb Aİ-nin ona qoşulmaq üzrə dialoqun başlanması ilə bağlı davamlı şantajı, parlamentin qəbul etdiyi bir sıra qanunların ləğv edilməsi tələbləri və Gürcüstan hakimiyyətinə qarşı sanksiyaların tətbiqinə çağırışlar olub.