Türkiyənin Diyarbəkir bölgəsinin Bismil qəsəbəsi rayonunda Azərbaycan dövlət nömrə nişanlı avtomobil yol-təmir işlərinə cəlb olunmuş yük maşını ilə toqquşub.
BakuPost-un Türkiyə KİV-inə istinadən məlumatına görə, Bismil qəsəbəsinə bağlı Üçtəpə məhəlləsi yaxınlığında baş vermiş qəza nəticəsində avtomobil yoldan çıxaraq aşıb. Qəzada avtomobildəki 5 nəfər yaralanıb, onların kimlikləri göstərilmir.
Avtomobilin dövlət nömrə nişanının 90-KF-424 olduğu məlumdur, qəza yerindən çəkilmiş fotoya əsasən markası KİA-dır. Fotoya əsasən avtomobil ciddi deformasiyaya uğrayıb, tamamilə sıradan çıxıb. Yaralılar Bismil Dövlət Xəstəxanasına yerləşdirilib.