Ru
18:01 / 23 Yanvar 2019

Azərbaycanda 6 yaşlı oğlandan 20 qurd kisti çıxarıldı - VİDEO

3378
 


AĞIR ƏMƏLİYYAT VAXTI CƏRRAH HƏM DƏ SÜNNƏT ETDİ


Dünən Bakıda daha bir uğurlu və çətin əməliyyatla 6 yaşlı oğlan uşağı ölümdən xilas olunub. 


BakuPost Medicina.az-a istinadən xəbər verir ki, Dövlət Təhlükəsizliyi Xidmətinin Hərbi Tibbi İdarəsində torakal cərrah Cəmil Ələkbərov artıq daxili qanaxması başlayan uşağın ağciyər və qaraciyərindən 20-ə yaxın Exinokokkoz qurdlarının kistasını çıxarıb.


Kistalar böyüyüb irinləyib, dağılaraq qanaxma veririmiş. 


Əməliyyatda müasir cərrahiyyənin ən son texnologiyası – endoskopik cərrahiyyədən istifadə olunmaqla, bütün orqanlarda olan qurd kistaları bir etapla çıxarılaraq təmizlənib.

 

Əməliyyatın unikallığı da elə birmərhələli olmasındadır. Halbuki belə hallarda hər orqan ayrıca əməliyyat olunmalı, uşaq 3 dəfə narkoz almalı, bunun üçün də ən azı 6 ay vaxt lazım olacaqdı. Uşağın həyati təhlükəsini gözə alaraq, cərrah uşağı elə bir əməliyyatla xilas etməyi bacarıb.

Uşaq xəstəxanaya yüksək hərarət, ağciyər qanaxması ilə gətirilib. 


Həkimin verdiyi məlumata görə, uşaq bir az da gec əməliyyat olsaydı, qanaxmadan öləcəkmiş: "5 saatlıq əməliyyat uğurla başa çatıb, xəstənin vəziyyəti normaldır”. 


Həkim qeyd edib ki, əməliyyat vaxtı əsas problemi həll etdikdən sonra uşağı sünnət də edib: "Uşaq imkansızlıqdan sünnət də olunmamışdı. Uşağın əməliyyat masasında və narkoz altında olması fürsətindən yararlanaraq onda sünnət də icra olundu. Beləliklə, uşağın bədəni həm qurdlardan xilas oldu, həm qanaxması dayandı, həm də sünnət olundu”. 


Qeyd edək ki, Exinokokk parazitar xəstəlikdir, ağız boşluğundan orqanizmə düşən qurd yumurtaları bağırsaqdan qana sovrulur. Daha çox qaraciyər, ağciyərlər, dalaq, baş beyində məskunlaşırlar.

 

Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin





Son xəbərlər
Çox oxunanlar
Son xəbərlər