Ru
14:17 / 20 İyul 2019

Bacısını namus üstündə vəhşicə qətlə yetirdi, cəzası bəlli oldu

2732
 

Cəlilabadda bacısını qətlə yetirən Hikmət Sadıqovun məhkəməsi keçirilib.


Bakupost.az-ın məlumatına görə, ittihamda bildirilir ki, H.Sadıqov rayonun Üçtəpə kəndində yerləşən evinə qayıdarkən həmin evdə onunla birlikdə yaşayan, evli olduğu halda başqa kişi ilə sevgi münasibətində olmasından şübhələndiyi bacısı Cəfərova Arzunun həyətdə yerləşən hamamda sakit səslə mobil telefonla danışmasını eşidib.

 

O, bacısının həqiqətən başqa kişi ilə sevgi münasibəti saxlamasına dair əminlik yarandıqdan sonra qisas almaq məqsədilə öldürmək qərarına gəlib. H.Sadıqov evdən bıçaq götürərək hamam otağına daxil olub. Bu zaman onun gəldiyini görən bacısı dərhal telefonu söndürüb. H. Sadıqov bacısından telefonu verməsini tələb edib. A. Cəfərovanın bundan imtina etməsindən qəzəblənən H. Sadıqov gödəkçəsindən çıxardığı bıçaqla bacısına 27 dəfə zərbə vurub. A. Cəfərova hadisə yerində keçinib.


Lənkəran Ağır Cinayətlər Məhkəməsinin hökmü ilə 16 il müddətə azadlıqdan məhrum edilib. Qərarla razılaşmayan təqsirləndirilən şəxs apelyasiya şikayəti verib. Şirvan Apelyasiya Məhkəməsində onun cəzası 14 il 6 aya endirilib.
Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin





Son xəbərlər
Çox oxunanlar
Son xəbərlər