“Bu damğa deyil, həyatın sınağıdır” - Təranə Səmədova

 

BakuPost xəbər verir ki, o, ilk dəfə CVN TV-yə müsahibəsində adının qadın alverində hallanması ilə bağlı danışıb.:

"Bu barədə heç vaxt danışmamışam, zaman hər şeyin dərmanıdır. Tənha anayam, qız övladı böyüdürəm. Heç vaxt sınmamışam, ağlamamışam. Mətbuatda xəbərləri oxuyanda çökdüm. Anam gəlib çiynimdən tutub dedi ki, sən nələrin öhdəsindən gəlmisən. Söylədim ki, mən bu damğanın altından necə çıxacam? Anam cavab verdi ki, sən möhkəm olmusan, yenə belə qalacaqsan. Bu damğa deyil, həyatın sınağıdır. Sevinənlər bu işlə məşğul olanlardır ki, tək bizim yox, Təranənin də adı belə şeylərdə hallanır. Bu işin sahibiyimdimsə, niyə banklara borcum var? Ölkədən çıxışıma niyə qadağa qoyulub? Hər halda bu işi görsəydim, banklara borcum olmazdı, maşını əlimdən almazdılar”. 

Qeyd edək ki, ötən gün Nərimanov rayon Məhkəməsində hakim Rəşad Abdulovun sədrliyi ilə keçirilən prosesdə hökm oxunub. Hökmə əsasən, T. Səmədova 1 il müddətinə azadlıqdan məhrum edilib. O, məhkəmə iclas zalında həbs olunub,  Bakı İstintaq Təcridxanasına köçürülüb.