11:46 / 01 Sentyabr 2022

İlk iş günündə direktor QOVULDU - Göyçayda insident - VİDEO

11580

Göyçay rayon Uşaq Musiqi Məktəbinə yeni təyin olunan direktorun ilk iş günündə qalmaqal yaşanıb.

Bakupost.az -ın APA-ya istinadən xəbərinə görə, Ağdaş Regional Mədəniyyət İdarəsinin rəisi Səxavət Məmmədov uzun illər Göyçay rayon Uşaq Musiqi Məktəbinə rəhbərlik edən Rövşən Zamanovu işdən azad edib və onun yerinə Ağdaş musiqi məktəbində nəzəriyyə müəllimə kimi çalışan Günay Hacıyevanı direktor təyin edib. Musiqi məktəbinin kollektivi toplaşaraq yeni təyinata qarşı etiraz edib.

İşçilər bildiriblər ki, yeni təyin olunan direktor Günay Hacıyeva Şəki Musiqi Kollecini bitirib, onun idarəetmə bacarığı aşağı səviyyədədir. Göyçay Uşaq Musiqi Məktəbində uzun illər fəaliyyət göstərən ali təhsilli musiqi müəllimləri çalışır, onların kifayət qədər idarəetmə bacarığı var. Etirazçı müəllimlər çalışdıqları məktəbə direktorun öz kollektivi içərisindən ali təhsilli bir nəfərin seçilərək təyin olunmasını istəyirlər.

Qeyd edək ki, bu gün səhər saat 8:30 radələrində Göyçay rayon Uşaq Musiqi Məktəbinin kollektivi təhsil ocağının foyesinə toplaşaraq yeni təyin olunan direktor Günay Hacıyevanı qapıdan içəri buraxmayıblar, müəllimələr etiraz edərək onu məktəbdən qovublar.

Məsələ ilə bağlı Ağdaş Regional Mədəniyyət İdarəsinin rəhbəri Səxavət Məmmədov bildirib ki, təxminən 20 il iş təcrübəsi olan Günay Hacıyeva onun əmri ilə Göyçay Uşaq Musiqi Məktəbinə direktor təyin olunub və o, dünən özünün iştirakı ilə kollektivə təqdim olunub. Bu gün səhər saatlarında nədənsə məktəbdə ona qarşı narazılıq yaranıb. Səxavət Məmmədov regional idarənin nümayəndələrindən ibarət komissiyanın hazırda həmin məktəbə göndərildiyini, məsələnin araşdırılacağını, günün ikinci yarısında isə özü də məktəbə gedərək kollektivlə yenidən görüşəcəyini bildirib.

Şərhlər

rauf mehdiyev

Rövşən m.m -i uşaqliq illərindən taniyiram və illər boyu öz uzərində necə calişmasinin butun Göycay sakinləri şahidilər .
Günel Əhmədova

Əvvəla, bir Göyçay sakini kimi onu bildirmək istərdim ki,nəinki Azərbaycanda, eləcə də bütün dünyada tanınan rayonumuzun musiqi məktəbinin ziyalı, alicənab, xoşgərkəmli, pozitiv, ən xoş sözlərə layiq olan, şəxsiyyətinə xüsusi dəyər verdiyim vicdanlı, ədalətli, məktəbdə çalışan hər bir işçiyə ata kimi qayğıkeş, mədəni yanaşma tərzi olan, tam bir incəsənət sənətkarı olan əzizimiz, fəxrimiz, tarzən R.Zamanov kimi bir insana qarşı belə bir münasibətin yaranmasına görə çox qəzəbləndim.Ar olsun bu qalmaqala səbəb olan səviyyəsini bilməyən səviyyəsizlərə..???????? Çox heyif ki, belələri yalnız öz mənfəətlərini güdən, öz xalqımızın faydalı mədəniyyət incisinə, bir ziyalımıza, 1000-lərlə özü kimi tələbə yetişdirən təbii sərvətimizə zərbə vurmağa çalışıblar. Bilin ki, bunu etməklə, sizlər yalnız onu gücləndirirsiz..!!!Göyçay,eləcə də bütün Azərbaycan onun arxasındadır, siz sadəcə bununla özünüzü alçaltmış olursuz ancaq...????????????????????????❤️❤️????????????????

Seçilmiş Zəngimcell

Tural Sədalı - Param-parçadı ürəyim

8010

Bizi telegram-da izləyin

Bizi facebook-da izləyin

Bizi tiktok-da izləyin

Bizi youtube-da izləyin

Son xəbərlər

Çox oxunanlar

Son xəbərlər