Ölkəyə gizli yolla 74 500 ədəd aksiz markası gətirən tutuldu

  • 22:24
  • 907 Baxış
Ölkəyə gizli yolla 74 500 ədəd aksiz markası gətirən tutuldu
Qərb Ərazi Baş Gömrük İdarəsinin "Qırmızı Körpü" gömrük postunda Gürcüstandan gələn Azərbaycan Respublikası vətəndaşı qanunvericiliyə uyğun olaraq şifahi sorğu-sual edilib.



Dövlət Gömrük Komitəsindən BakuPost-a verilən məlumata görə, sorğu-sual zamanı həmin şəxs ona məxsus əl yüklərində gizlədilən və gömrük nəzarətinə mütləq bəyan edilməli hər hansı predmetin olmadığını bildirib. Lakin rentgen aparatından keçirilən əl yüklərində şübhəli cizgilər müəyyən olunub.



Əl yükündə aparılan yoxlama zamanı gömrük orqanlarına bəyan olunmayan 74 500 ədəd aksiz markası aşkarlanıb.



Faktla bağlı araşdırma aparılır.