22:30 / 21 Avqust 2019
Oğul ondan pensiya kartını alan atasını çəkiclə öldürdü
4402
Tovuz rayonunda baş verən qətl hadisəsinin bəzi təfərrüatı məlum olub.
BakuPost-un "Report"a istinadən məlumatına görə, rayonun Aşağı Quşçu kəndində yaşayan 50 yaşlı Rasim Məsimov mübahisə zəminində atası 80 yaşlı Məsimov Müzəffər Bayram oğlunun başına çəkiclə zərbələr vuraraq onu qətlə yetirib.
İlkin məlumata görə, hadisəyə atanın oğluna verdiyi təqaüd kartını geri istəməsi olub. Bu zaman oğulla ata arasından mübahisə yaranıb və nəticədə qətl törədilib.
Faktla bağlı Tovuz rayon Prokurorluğunda araşdırma aparılır.