Şəhidlər Xiyabanında qarşıdurma - DİN saxlanılanların olduğunu açıqladı

Daxili İşlər Nazirliyi bu gün Şəhidlər Xiyabanında bir qrup müxalifət təmsilçisinin saxlanılması barədə yayılan məlumatlara aydınlıq gətirib.

BakuPost-un məlumatına görə, nazirliyin mətbuat xidmətinin rəisi Ehsan Zahidov Trend-in sorğusuna cavabında bildirib ki, bu gün Şəhidlər Xiyabanında qarşıdurma yaradan şəxslər ötən gün də gərginlik yaradıblar:

"Ötən gün özünü Demokratik Qüvvələrin Milli Şurası adlandıran quruma daxil olan partiya və birliklərin Yasamal rayonundakı idman-sağlamlıq kompleksinin stadionunda keçirdikləri mitinq başa çatdıqdan sonra iştirakçılar dağılışarkən bir qrup şəxs qəsdən qarşıdurma yaratmağa cəhd göstərərək ictimai asayişi pozmağa çalışıb. Lakin həmin vaxt orada təhlükəsizliyi təmin edən polis əməkdaşları cəhdin qarşısını alıb və onlara xəbərdarlıq edib.