23:34 / 18 İyul 2019
Xəzərdə 19 yaşlı gənc boğularaq ölüb
2049
Xəzər dənizində, qeyri-çimərlik ərazidə bir nəfər çimərkən boğulub.
Fövqəladə Hallar Nazirliyindən BakuPost-a verilən məlumata görə, Böhran Vəziyyətlərində İdarəetmə Mərkəzinə Bakı şəhərinin Sabunçu rayonunda dənizdə, qeyri-çimərlik ərazidə bir nəfərin çimərkən batması barədə məlumat daxil olub.
Hadisə yerinə cəlb olunan Kiçikhəcmli Gəmilərə Nəzarət və Sularda Xilasetmə Dövlət Xidmətinin müvafiq xilasetmə qüvvələri 2000-ci il təvəllüdlü Abbasov Sadiq Vüqar oğlunun meyitini sudan çıxararaq aidiyyəti üzrə təhvil veriblər.